Ai 10 y 11 de dezëmber 2011 uniral garejà l prim iede te Gherdëina per la Copa Cuntinentela FIS-OPA (COC). La se trata tlo de garejedes de podejé al segondo livel plu aut dla Federazion nternaziunela de schi FIS. La garejedes unirà fates tl zënter dl schi nordich sun Mont de Pana, a S. Crestina. I urganisadëures se aspieta che l vënie adalerch feter 150 atlec da 20 nazions.
Sun Mont de Pana uniral de ndut metù a jì cater garejedes: doi dl’ëiles y doi di ëi. L prim di uniral garejà a tecnica tlassica. L’ëiles muessa fé 5 chilometri, i ëi 10 chilometri. L di do uniral garejà a tecnica liedia jan do ai resultac dl prim di, 10 chilometri per l’ëiles y 15 per i ëi. L ëiles muev dal 9.30, i ëi dala 11.00 danmesdì. L fajerà pea atlec dla categuria iunior (18-20 ani) y nce i senior (sëura 20 ani).
Te Gherdëina vëniel metù a jì la prima de ndut set tapes per la garejedes de Copa Cuntinentela FIS-OPA (COC). L finale sarà ai 16-18 de merz tla Spania. La garejedes de Copa Cuntinentela FIS-OPA (COC) vën metudes a jì dal Saslong Classic Club n culaburazion cun l Schiclub Gherdëina y l Zënter de furmazion alpina di Carabinieri. La Copa cuntinentela FIS-OPA vën metuda a jì paralelamënter te de plu raions per si cont. Nsci tl’Europa zentrela, tla Scandinavia, America dl Nord, l Balkan y tl raions dl sud dla tiera. La prima trëi ëiles y ëi de uni raion puderà de merz fé pea la finale de Copa dl Mond a Falun (Schweden).
La tapes dla Copa Cuntinentela FIS-OPA
Gherdëina: 10.-11.12.2011
St.Ulrich (AUT): 16.-18.12.2011
Arvieux (FRA): 6.-8.1.2012
Zwiesel (GER): 14.-15.1.2012
Campra (SUI): 3.-5.2.2012
Rogla (SLO): 10.-11.3.2012
Candanchu (SPA): 16.-18.3.2012 - FINALE
Keine Kommentare:
Kommentar veröffentlichen